納米技術解謎

納米解謎
2012年08月16日
GEEKTALK
Next Mag

要觀察納米層是否夠厚，先至要出動顯微鏡，其餘時間 Johnny主要做產品測試。

○二年在美國 University of California讀完化學工程學士，就在矽谷打工研發手機鏡頭，工作一年發現好多科技都要用納米技術，於是重返校園攻讀博士學位。前年回流香港繼續研究，最近更成功研發出可大大降低處理器製作成本的導電納米線，有望成為未來處理器的重要材料。

http://digcan.com/cell

何頌賢（ Johnny） 32歲
香港城市大學物理及材料科學系助理教授
亂用納米


納米形態細，一般光學顯微鏡只可放大到（ micro-meter）單位，最多見到一大堆納米線；要用電子顯微鏡再放大二百倍，先可見到單一條納米線形態。

早幾年納米科技興起，不少產品改名都會加上「納米」兩字，但到底納米為何物？好多人都未必知。 

Johnny話其實納米只是一個長度單位，「長度只得百萬分之一毫米，亦唔係乜新鮮事，好似美國上世紀八十年代已開始應用 喺生產電子晶片。」所以，納米並非一種物質，反而不少物質可以打散至納米長度，「打散後，物質 嘅特性都會有變化，例如用納米技術重組鉛筆裡面 嘅石墨，就可以變成比鋼管硬一百倍 嘅納米管。」

換言之，善用不同物質的特性，就可以製作高導電、防水、抗菌等不同物料，而最近出現的可屈曲顯示屏或海水化淡技術，都同納米技術有關。

不過， Johnny話好多產品都用「納米」推銷，但部分只是吹噓多過實際，「最離譜 嘅『納米』推銷個案，一定係納米水，因為純水本身 嘅分子已經接近納米，幾蚊一支 嘅蒸餾水，唔使做任何 嘢都已經可以叫納米水。」

五分鐘嫌多


Johnny指出水分子 size接近納米，「如果話用納米技術過濾，令水質更清都仲講得通；但如果話可以將水分子打得更散更易被人體吸引，根本就誤導人。」

既然納米單位細到肉眼看不到，研究時豈非要日日對住顯微鏡？ Johnny笑笑口話根本是誤解，「有時同親戚講我研究納米，佢哋第一時間會問係咪好傷眼；但其實以製作防水納米層為例，只要將衣物放入特製機器，然後控制溫度、壓力，再注入氣化納米物料，納米層就會自動聚集 喺衣物表面，呢個時候先至要用顯微鏡睇納米物料聚集數量足唔足夠，基本上睇五分鐘都嫌多，完全唔傷眼。」反而測試效能先最花時間，「例如防水能力有幾高，合唔合乎國際標準，佔成個研究七成時間。」

創意好重要
既然「納米」需求大，自然成為大學搶手學科，「好似前年城大只得廿五個博士學位學額，上年就增加到五十個，睇得出需求好大。」不過， Johnny話其實納米發展已經好成熟，研發成本並不高，反而是諗到點應用於日常生活再產品化，先可以賺錢。好似最近引入香港的納米防水塗層技術，只要用機器將塗層噴到電子產品外殼同內部電子零件上即可防水，就算用水沖都無事，既實用又多用途，「要快過其他人諗到點將納米技術應用 喺新層面，至可以搶先賺到錢。」
text：勞耀全